ප්‍රබල මත්ද්‍රව්‍ය ජාවාරම්කරුවකු බව කියන නදුන් චින්තක හෙවත් හරක් කටා කොළඹ මහාධිකරණය වෙත අද (15) රැගෙන එනු ලැබීය.
ඒ, මීතොටමුල්ල ප්‍රදේශයේ නිවසකට කඩා වැදී කොල්ලකෑමේ සිද්ධියක් සම්බන්ධයෙන් හරක්කටා ඇතුළු විත්තිකරුවන්ට එරෙහිව ගොනු කර තිබෙන නඩුවේ සාක්ෂි විභාගය සඳහා ය.
කොළඹ මහාධිකරණ විනිසුරු ලංකා ජයරත්න මහත්මිය ඉදිරියේ මෙම නඩු විභාගය පැවැත්වුණි.
තංගල්ල පැරණි බන්ධනාගාරයේ රඳවා සිටින හරක් කටා දැඩි ආරක්ෂක විධිවිධාන මැද අධිකරණයට ඉදිරිපත් කිරීමට බලධාරීන් පියවර ගෙන තිබුණි.
මෙම නඩුවේ වැඩිදුර සාක්ෂි විභාගය සැප්තැම්බර් මස 01 වනදා තෙක් කල් තබනු ලැබීය.
