අද (10) උදෑසන හෝමාගම විකල්ප මාර්ගයේ තිබී පිරිමි මළසිරුරක් හමුව තිබේ.
මෙලෙස ඝාතනයට ලක්ව ඇත්තේ, වයස අවුරුදු 35 ක් පමණ වන පුද්ගලයෙකු බවයි පොලිසිය පැවසුවේ.
ඔහුගේ හිසට ආයුධයකින් පහරක් එල්ල කර ඇති බවට සැක කළහැකි ආකාරයේ තුවාලයක් දකින්නට ලැබෙන අතර ගෙල ඉදිමි ඇති බවත් එමෙන්ම ගෙල ආසන්නේ ලේ පැල්ලමක් ද දක්නට ඇති බවත් පොලිසිය පවසයි.
මෙතෙක් විවෘත කර නොමැති අදාළ විකල්ප මාර්ගය රාත්‍රී කාලයේ දී දැඩි අඳුරු සහගත බවක් පවතින බව වාර්තා වේ.
පොලීසිය සැකපල කරන්නේ මෙම තරුණයාව වෙනත් ස්ථානයක දී ඝාතනය කර ඔහුගේ සිරුර රථයකින් රැගෙන විත් මෙම ස්ථානයට දමා යන්නට ඇති බවටය.
සිද්ධිය සම්බන්ධයෙන් නුගේගොඩ පොලිස් කොට්ඨාසයේ අපරාධ ස්ථාන පරීක්ෂණ නිලධාරීන් සහ හෝමාගම මූලස්ථාන පොලීසිය වැඩිදුර පරීක්ෂණ සිදුකරයි.
