“කාලිංග” දකුණු කොරියාවේ දී ලක්මව දිනවයි

26වන ආසියානු මලල ක්‍රීඩා ශූරතාවලියේ දී අද (28) පැවති මීටර් 400 ඉසව්වේ ලෝකඩ පදක්කම ශ්‍රී ලංකාවේ කාලිංග කුමාරගේට හිමිවිය.

තරගය අවසන් කිරීම සඳහා ඔහු තත්. 45.55ක දක්ෂතාවක් දැක්වීය.

තත්. 45.33කින් මෙම ඉසව්ව අවසන්කළ කටාර් රාජ්‍යයේ අමර් ඊබ්‍රහිම් විසින් මෙහි රන් පදක්කම දිනාගත්තේය.

එමෙන්ම රිදී පදක්කම දිනාගනු ලැබුවේ ජපානයේ කෙන්ටාරෝ සාටෝ විසිනි. ඔහු තත් 45.50කින් තරගය අවසන් කර තිබුණි.

ඊයේ (27) ආරම්භ වූ මෙම තරගාවලිය එළැඹෙන 31 වැනිදා දක්වා දකුණු කොරියාවේ ගුමි හිදී පැවැත්වේ.