කුරුවිට දෙවිපහළ ප්‍රදේශයේ දී තියුණු ආයුධයකින් පහර දී තරුණියක් ඝාතනය කර තිබේ.
කිසියම් පුද්ගලයෙකු විසින් අදාළ තරුණියගේ ගෙළ පැලඳි රන් මාලය සොරාගැනීමට පැමිණි අවස්ථාවේ දී ඇගේ ගෙළ ප්‍රදේශයේ කැපුම් තුවාල සිදුකර පළා ගොස් ඇති බව පොලිසිය පවසයි.
තුවාල සහිතව බිම ඇඳවැටී සිටි අදාළ තරුණිය රත්නපුර රෝහලට ඇතුළත් කිරීමෙන් අනතුරුව මියගොස් තිබේ.
මෙලෙස මියගොස් ඇත්තේ කුරුවිට, දෙවිපහළ ප්‍රදේශයේ පදිංචිව සිටි 26 හැවිරිදි තරුණියක්ය.
සිද්ධියට සම්බන්ධ සැකකරු සොයා කුරුවිට පොලිසිය වැඩිදුර විමර්ශන සිදුකරයි.
