රඹුටන් ඇටයක් සිරවීම හේතුවෙන් පස් හැවිරිදි පිරිමි දරුවෙකු ඊයේ (07) අවාසනාවන්ත ලෙස මිය ගොස් තිබේ.
මිද්දෙණිය පොලිස් වසමේ, පල්ලි ජුලම්පිටිය ප්‍රදේශයේ පදිංචිව සිටි දරුවෙකුයි මෙලෙස මියගොස් ඇත්තේ.
රඹුටන් ඇටය සිරවීම නිසා අදාළ දරුවා සිහිසුන් වී ඇති අතර පසුව ඔහු කඩිනමින් කටුවන ප්‍රාදේශීය රෝහලට ඇතුළත් කර තිබේ.
එහිදී වැඩිදුර ප්‍රතිකාර සඳහා ඔහුව වලස්මුල්ල මූලික රෝහලට මාරුකර යවා ඇති නමුත් රෝහලට ඇතුළත් කිරීමෙන් අනතුරුව දරුවා මියගොස් ඇති බව වාර්තා වේ.
