කඳාන, පොදු වෙළෙඳසැල අසලදී සිදු වූ වෙඩිතැබීමේ සිද්ධියට සම්බන්ධ පුද්ගලයින් දෙදෙනෙකු අත්අඩංගුවට ගෙන තිබේ.
පොලිසියට ලද තොරතුරකට අනුව කඳාන රූපමුල්ල හංදිය සහ කඳාන නගරයේ කළ සෝදිසි මෙහෙයුමකදී සැකකරුවන් අත්අඩංගුවට ගෙන ඇත.
සිද්ධියට අදාළව අත්අඩංගුවට ගෙන ඇත්තේ 25 සහ 26 හැවිරිදි කඳාන ප්‍රදේශයේ පදිංචිකරුවන් දෙදෙනෙකි.
පසුගිය 03 වැනිදා යතුරු පැදියකින් පැමිණි සැකකරුවන් දෙදෙනෙකු විසින් මෝටර් රථයකින් ගමන් කරමින් සිටි පුද්ගලයින් දෙදෙනෙකු ඉලක්ක කර කඳාන ප්‍රදේශයේදී වෙඩි තැබීමක් සිදුකර තිබුණි.
එහිදී වෙඩි වැදීමෙන් තුවාල ලැබූ පුද්ගලයින් දෙදෙනා රාගම රෝහලට ඇතුළත් කිරීමෙන් අනතුරුව එක් පුද්ගලයෙකු මිය ගියේය.
වෙඩිතැබීමෙන් තුවාල ලැබූ පුද්ගලයා දිවංගත අමාත්‍ය මංගල සමරවීරගේ පෞද්ගලික ලේකම්වරයෙකු වූ සමීර මනහර නමැත්තාය.
