ගල්කිස්ස අධිකරණ පරිශ්‍රය තුළ ඇති වූ ආන්දෝලනාත්මක සිදුවීමේදී පොලිස් කොස්තාපල්වරයා වෙනුවෙන් පෙනී සිටි මාතර නීතීඥ සංගමේ සාමාජික හා වැලිගම ප්‍රාදේශීය සභාවේ ජාතික ජනබලවේගයේ මන්ත්‍රීවරයෙකු වන තාරක නානායක්කාර එම සංගමයේ විධායක කමිටුවේ සංස්කාරක ධූරයෙන් ඉල්ලා අස්වී ඇති බව වාර්තා වෙයි.
අධිකරණ භූමියේ ඇති වූ ගැටුම හේතුවෙන් නීතීඥ පාර්ශවය වෙනුවෙන් පෙනී නොසිට පොලිස් කොස්තාපල්වරයා වෙනුවෙන් පෙනී සිටීම හේතුවෙන් නීතීඥවරුන්ගේ දැඩි විරෝධයට ලක් වීමට නීතීඥ තාරක නානායක්කාර හට සිදු විය.එමෙන්ම නීතීඥ සංගමේ විධායක කමිටුවෙන් හා සාමාජිකත්වයෙන් ඉල්ලා අස්වන ලෙස බලපෑම් එල්ල වූ බවද ආරංචි මාර්ග සඳහන් කරයි.
කෙසේ වෙතත් මේ පිළිබඳව කළ විමසීමක දී ඔහු සඳහන් කර ඇත්තේ මෙය තම පෞද්ගලික තීරණයක් බවත් තමා තවමත් නීතීඥ සංගමයේ සාමාජිකත්වයෙන් ඉවත් වී නොමැති බවත් ය.
