දිට්වා සුළි කුණාටුවෙන් හානියට පත් ආගමික සිද්ධස්ථාන කඩිනමින් ප්රතිසංස්කරණය කිරීමේ ‘ගොඩනඟමු අධිෂ්ඨානයේ සංහිඳ’ ජාතික වැඩසටහන අද (27) ජනාධිපති අනුර කුමාර දිසානායකගේ ප්රධානත්වයෙන් ආරම්භ කිරීමට නියමිතයි.
බුද්ධශාසන, ආගමික සහ සංස්කෘතික කටයුතු අමාත්යාංශයේ මෙහෙය වීමෙන් එම කටයුතු සිදුවෙන අතර අද දිනට පැවැත්වෙන පළමු වැඩසටහන පෙරවරු 10.00ට ගම්පොළ දොරගල පීකොක් හිල් ජනපදයේ ශ්රී බෝධිරුක්ඛාරාම විහාරස්ථානයේදී පැවැත්වෙයි. පස්වරු 3.00ට මාතලේ කවටයාමුණ පුරාණ රජමහා විහාරයෙන් දෙවන වැඩසටහන ආරම්භ කිරීමට නියමිතයි.
ඒ අනුව අද දින එම සමාරම්භය සිදුවනු ඇති.
ආපදා තත්ත්වය හමුවේ ආගමික, සංස්කෘතික සහ පුරාවිද්යාත්මක ස්ථාන දහසකට අධික වූ ප්රමාණයකට හානි සිදුව ඇති අතර, එම ස්ථානවල සිදු කළ යුතු ප්රතිසංස්කරණ කටයුතු කඩිනමින් ආරම්භ කර පෙර පැවති තත්ත්වයට පත් කිරීමටත්, එම සියලු ප්රතිසංස්කරණ කටයුතු අදාළ ස්ථානවල පෞරාණික අගය ආරක්ෂා කර ගනිමින් ගෞරවනීය මහා සංඝරත්නයේ සහ සෙසු ආගමික නායකයන්ගේ මඟපෙන්වීම යටතේ, සියලු පාර්ශ්වයන්හි දායකත්වය ලබා ගනිමින් මෙම කටයුතු සිදු කිරීමටත් රජය අපේක්ෂා කරයි.
