අත්අඩංගුවට ගත් ප්‍රසිද්ධ රැප් ගායක ශාන් පුතා ඇතුළු සැකකරුවන් තිදෙනාට දින 07ක රැදවුම් නියෝග ලබා දී තිබේ.
එම සැකකරුවන් මාතර මහේස්ත්‍රාත්වරයාගේ නිල නිවසට ඉදිරිපත් කිරිමෙන් පසුව එම නියෝගය ලබා දී ඇත.
ශාන් පුතා නැමැත්තාව හෝමාගම පොලීසිය විසින් ඊයේ (14) අත්අඩංගුවට ගෙන තිබුණි. ඒ මිලිමීටර 9 වර්ගයේ ගිනිඅවියක් සමඟයි.
එමෙන්ම ගිනිඅවිය ලබාදුන් බව කියන මන්නාරම පොලීසියට අනුයුක්තව සිටි පොලිස් කොස්තාපල්වරයෙක් හා ශාන් පුතා නැමැත්තාගේ කළමනාකරු ද මෙහිදී අත්අඩංගුවට පත්විය.
අදාළ පොලිස් කොස්තාපල්වරයා මාතර කොටුවිල පොලිස් ස්ථානයෙන් අදාළ ගිනිඅවිය සොරාගෙන විත් රැප් ගායකයාට ලබාදී ඇති බවයි මූලික පොලිස් පරීක්ෂණවලදී හෙළි වී ඇත්තේ.
ඊයේ (14) රාත්‍රී 10ට පමණ එම සැකකරුවන් මාතර මහේස්ත්‍රාත්වරයා වෙත ඉදිරිපත් කර තිබුණි.
ඒ අනුව එම සැකකරුවන් කොටවිල පොලිස් ස්ථානයේ රඳවා වැඩිදුර විමර්ශන සිදුකිරීමට නියමිත ය.
