ශ්‍රී ලංකා නිදහස් පක්ෂයේ සංවිධායකයින් පිරිසක් පක්ෂය එකමුතු කිරීමේ වැඩපිළිවෙලට නායකත්වය ලබා දෙන ලෙසට හිටපු ජනාධිපති මෛත්‍රීපාල සිරිසේනගෙන් ඉල්ලීමක් කර තිබේ.
සභාපතිත්වය භාර ගැනීමට අකමැත්තක් දක්වන්නේ නම් එය භාර නොගෙන හෝ පක්ෂය එකමුතු කිරීමේ වැඩපිළිවෙළට සහය දක්වන ලෙසයි පක්ෂයේ සංවිධායකවරුන්
ඔහුගෙන් ඉල්ලා ඇත්තේ.
නිදහස් පක්ෂ සංවිධායකවරුන් අවස්ථා දෙකක දී හිටපු ජනාධිපතිවරයාගෙන් මෙම ඉල්ලීම සිදුකර ඇති බව වාර්තා වේ.
කෙසේ වෙතත් හිටපු ජනාධිපති මෛත්‍රීපාල සිරිසේන එම ඉල්ලීමට සෘජුව ප්‍රතිචාර දක්වා නොමැති අතර එළැඹෙන පළාත් පාලන මැතිවරණයෙන් අනතුරු මේ සම්බන්ධව අවධානය යොමු කරන බව ඔහු පවසා තිබේ.
