කිරි හරකුන් ආනයනය කිරීමට බව පවසා ඇමරිකානු ඩොලර් මිලියන 11ක් අවභාවිත කළ බව කියන පොලිස් කොමිසමේ හිටපු ලේකම්වරියක සහ ග්‍රාම සංවර්ධන අමාත්‍යංශයේ ලේකම්වරියක ලෙස කටයුතු කළ බලවත් බවලතියක් නුදුරේදීම රහස් පොලිසිය හමුවට කැඳවීමට නියමිත බව වාර්තා වේ.
ඇය රාජ්‍ය පරිපාලන සේවයේ විශ්‍රාමික ජ්‍යෙෂ්ඨතම නිලධාරියෙකුගේ බිරියක් බවද කියැවේ. මේ වන විට විදේශගතව සිටින ඇය මෙරටට පැමිණි විගස අපරාධ පරීක්ෂණ දෙපාර්තමේන්තුව හමුවේ ප්‍රකාශයක් දිය යුතු බව සඳහන්.
ග්‍රාම සංවර්ධන අමාත්‍යංශයේ ලේකම්වරියක ලෙස ඇය 2016-2017 කාලයේදී කිරි හරකුන් මෙරටට ගෙන්වීමට ඇමරිකානු ඩොලර් මිලියන 11ක් වෙන් කිරීමේ සිද්ධියට ඇයද සම්බන්ධ බව සඳහන් වේ.
එවැනි කිරි හරකුන් ගෙන්වීමක් හෝ එම මුදලට සිදු වූ දෙයක් නොමැති බවට වන පැමිණිල්ලකට මෙම විමර්ශනය ආරම්භ කර ඇත.
