නානුඔය වටරවුම් මාර්ගයේ ඩෙස්පෝඩ් වත්ත ප්‍රදේශයේදී වෑන් රථයක් මාර්ගයෙන් ඉවතට පැන අඩි 70ක් පමණ වූ ප්‍රපාතයකට පෙරළීමෙන් බිහිසුණු අනතුරක් සිදුව තිබේ.
අද (10) අලුයම 5.00ට පමණ සිදු වූ මෙම අනතුරින් එහි ගමන් ගත් තරුණයින් 08 දෙනෙකු බරපතල තුවාල ලබා ඇති බවයි වාර්තා වන්නේ.
මෙසේ අනතුරට ලක්ව ඇත්තේ මාතර සිට නුවරඑළිය දක්වා විනෝද චාරිකාවක් ගිය තරුණයින් පිරිසක් රැගත් වෑන් රථයකි.
අනතුරින් තුවාල ලැබූ පිරිස ප්‍රදේශවාසීන් එක්ව රෝහල් ගත කිරිමට පියවර ගෙන තිබේ.
වෑන් රථයේ රියදුරාට නින්ද යෑමෙන් මෙම අනතුර සිදු වී ඇති බවයි නානුඔය පොලිසිය පැවසුවේ.
