/ Aug 31, 2025

පද්මේ සහ කමාන්ඩෝ සලින්ත එතෙර දී අල්ලලා ද? ; පොලිසිය දැන් කියන කතාව මෙන්න

අපරාධ කල්ලි සාමාජිකයන් න කෙහෙල්බද්දර පද්මේ සහ කමාන්ඩෝ සලින්ත යන සැකකරුවන් මැලේසියාවේ අත්අඩංගුවේ සිටිනා බවට වන කිසිදු රාජතාන්ත්‍රික මට්ටමේ හෝ ආරක්ෂක අංශ තොරතුරක් ලැබී නොමැති බව පොලිස් මාධ්‍ය ප්‍රකාශක, සහකාර පොලිස් අධිකාරී එෆ්.යූ. වුට්ලර් පවසයි.

අද (14) පෙරවරුවේ පැවති විශේෂ ප්‍රවෘත්ති සාකච්ජාවකට එක්වෙමින් පොලිස් මාධ්‍ය ප්‍රකාශකවරයා මේ බව සඳහන් කළේය.

පොලිස් නිලධාරීන් කණ්ඩායම් කිහිපයක් මැලේසියාවට සහ තායිලන්තයට පිටත්ව ගොස් ඇත්තේ මැලේසියාවේ දී අත්අඩංගුවට පත්වූ සැකකරුවන් 26 දෙනෙකු පිළිබඳ විමර්ශනයට වන අතර එම නාම ලේඛනයේ මෙම සැකකරුවන් දෙදෙනාගේ නම් අන්තර්ගතව නොමැති බවයි පොලිස් මාධ්‍ය ප්‍රකාශකවරයා වැඩිදුරටත් පැවසුවේ ය.

මැලේසියාවේ දී විවිධ වැරදි සඳහා අත්අඩංගුවට ගත් ශ්‍රී ලාංකිකයින් 26 දෙනෙකු සම්බන්ධයෙන් මේ වනවිට ශ්‍රී ලංකා පොලීසිය දැනුම්වත් කර ඇති බවත් ඔහු පෙන්වාදෙ‍යි.

ඒ අනුව අදාළ ශ්‍රී ලාංකිකයින් සම්බන්ධයෙන් මේ වනවිට පරීක්ෂණ ආරම්භ කර ඇති බවත්, ඉදිරියේ දී ඔවුන්ව මැලේසියාවෙන් පිටුවහල් කරන්නේ ද නැතිනම් ඉදිරි විමර්ශන සිදුකරන්නේ ද යන්න පිළිබඳව එරට රජය විසින් තීරණය කරනු ඇති බවත් පොලිස් මාධ්‍ය ප්‍රකාශවරයා සඳහන් කළේය.

Leave a Comment

Your email address will not be published. Required fields are marked *

Scroll to Top