ඡන්ද කාඩ්පත් 85 ක් සමග සර්වජන බලය පක්ෂයෙන් පුත්තලම මහ නගර සභාව සඳහා තරග වදින අපේක්ෂිකාවක් අත්අඩංගුවට ගෙන තිබේ.
පොලිසිය සඳහන් කළේ, සැකකාරිය සන්තකයේ තිබී පළාත් පාලන ඡන්දය සඳහා පුත්තලම තේරීම් භාර නිලධාරී නිකුත් කරන ලද ඡන්ද කාඩ්පත් එලෙස සොයා ගත් බවයි.
පුත්තලම, රත්මල්යාය ප්‍රදේශයේ දී, පුත්තලම සහකාර මැතිවරණ කොමසාරිස් සහ පොලිසිය කළ ඒකාබද්ධ වැටලීමක දී සැකකාරිය අත්අඩංගුවට ගෙන තිබේ.
අදාළ ඡන්ද කාඩ්පත් තැපැල්කරු විසින් ඇයට ලබා දී ඇතැයි පොලිස් විමර්ශනවලදී අනාවරණය වී ඇත.
සිද්ධියට සම්බන්ධ සැකකාර තැපැල්කරු ප්‍රදේශයේ පළගොස් ඇති අතර සිද්ධිය සම්බන්ධයෙන් වැඩිදුර විමර්ශන ක්‍රියාත්මකයි.
