ශ්‍රී ලංකා රේගුව විසින් මෙම වසරේදී එකතු කරන ලද බදු ආදායම ඊයේ (30) සවස වන විට රුපියල් ට්‍රිලියන දෙකේ කඩඉම ඉක්මවා ගොස් තිබේ.
එය රජයේ බදු ආදායම් එකතු කරන දෙපාර්තමේන්තුව වසරකදී එකතු කරන ලද වැඩිම ආදායම ලෙස වාර්තා වී ඇත.
රේගු අධ්‍යක්ෂ ජනරාල් සීවලී අරුක්ගොඩ සඳහන් කරන්නේ 2025 වසර සඳහා ලැබී ඇති ආදායම් ඉලක්කය වන රුපියල් ට්‍රිලියන 2.115 වෙත ශ්‍රී ලංකා රේගුව සාර්ථකව ළඟා වෙමින් සිටින බවයි.
ආදායම්වලින් රුපියල් බිලියන 630ක්ම මෝටර් රථවලින් උපයාගෙන ඇති අතර වසර අවසන් වන විට ආදායම් ඉලක්කයට වඩා රුපියල් බිලියන 300ක් පමණ අතිරේකව එක්රැස් කරගැනීමට හැකිවනු ඇති බවටද රේගුව අපේක්ෂා කරයි.
