රතු නිවේදන නිකුත් කර තිබූ විදෙස්ගතව සැඟව සිටි සංවිධානාත්මක අපරාධකරුවෙකු ඉන්දියාවේ සිට ගුවන් මගින් අද (24) පස්වරුවේ මෙරටට රැගෙන ආ බව ශ්රී ලංකා පොලීසිය දැනුම් දෙයි.
මාධ්ය නිවේදනයක නිකුත් කරමින් පොලීසිය පවසන්නේ සැකකරු මෙරටට රැගෙන ඒමෙන් පසු කටුනායක ගුවන් තොටුපොලේදී අපරාධ පරීක්ෂණ දෙපාර්තමේන්තුවේ නිලධාරීන් විසින් සිය භාරයට ගෙන ඇති අතර ඉදිරි විමර්ශන සඳහා කෙසෙල්වත්ත පොලීසිය වෙත භාරදීමට නියමිත බවයි.
මෙලෙස රැගෙනවිත් ඇත්තේ අවුරුදු 34ක් වූ කෙසෙල්වත්ත ප්රදේශයේ පදිංචිකරුවෙකි.
සැකකරුට එරෙහිව මනුෂ්ය ඝාතන,කොල්ලකෑම් සහ මත්ද්රව්ය සන්තකයේ තබා ගැනීම,ජීව අත්බෝම්බයක් ළඟ තබාගැනීම යන චෝදනා එල්ල වී තිබේ.
පිළිබඳව චෝදනා එල්ල වී ඇති බව පොලීසිය සඳහන් කළේය.
සැකකරු සම්බන්ධව ඉදිරි විමර්ශන කටයුතු කොළඹ දිසාව භාර නියෝජ්ය පොලිස්පති යටතේ සිදුකරන බවද එම නිවේදනයේ දැක්වෙයි.
