දෙහිවල පොලිසිය විසින් ත්‍රස්තවාදය වැළැක්වීමේ පණත යටතේ අත්අඩංගුවට ගෙන මාස 9ක් රිමාන්ඩ් භාරයේ රඳවා සිටි තරුණයෙකු අපරාධයක් කළ බවට අනාවරණය වී නැති බව ඊයේ (09) ගල්කිස්ස මහේස්ත්‍රාත් අධිකරණයේදී අනාවරණය විය.
එහෙත් තරුණයාට ඇප ලබා ගැනීමට නොහැකිව නැවත රක්ෂිත බන්ධනාගාරගත වීමට සිදුවූයේ මැයි මස 27 දින ත්‍රස්තවාදය වැළැක්වීමේ පණත යටතේ උධෘත සකස්කොට නීති කොට්ඨාසයට සහ නීතිපතිවරයාට යවා තිබෙන බැවින් බව අධිකරණය කියා සිටියේ ය .
සැකකරු ත්‍රස්තවාදය වැළැක්වීමේ පණත යටතේ වරදක් කරන ලද බවට සාක්ෂි තමන් සතුව ඇතැයි දෙහිවල පොලිසිය විසින් අධිකරණයට දන්වා තිබුණු අතර 21 වියැති තරුණයා මාස 9කට අධික කාලයක්ත තිස්සේ රක්ෂිත බන්ධනාගාරගත කර තිබුණි.
මාස 9කට පසු දැන් සාක්ෂි නැති බව පවසන්නේ ඇයි දැ යි අධිකරණය පොලිසියෙන් විමසා සිටියේ ය.
