බෙංගාල බොක්ක මුහුදු ප්රදේශය ආශ්රිතව පවතින අවදානම් සහිත අයහපත් කාලගුණික තත්ත්වය හේතුවෙන් දිවයින වටා සියළුම ධීවර යාත්රා රැකියාව සඳහා පිටත්වීම් නැවත දැනුම් දෙනතුරු අවලංගු කරන බව ධීවර හා ජලජ සම්පත් දෙපාර්තමේන්තුව නිවේදනය කරයි.
මෙම අවධානම් සහිත මුහුදු ප්රදේශවල මේ වන විට රැකියාවේ නිරතව සිටින සියළුම ධීවර යාත්රා ගොඩබිමට හෝ ආරක්ෂිත ප්රදේශවලට යාත්රා කරන ලෙසත්, සියළුම ආරක්ෂිත පියවර අනුගමනය කරන ලෙසත් එම නිවේදනයෙන් දැනුම් දී තිබේ.
එමෙන්ම මේ සම්බන්ධව කාලගුණ විද්යා දෙපාර්තමේන්තුව විසින් නිකුත් කරන ඉදිරි නිවේදන සහ ගුවන් විදුලි පණිවුඩ කෙරෙහි දැඩි අවධානය යොමු කරන ලෙසත් තවදුරටත් එම ප්රජාව දැනුවත් කර ඇත.
නිරිතදිග බෙංගාල බොක්ක ප්රදේශයේ පැවති අඩු පීඩන කලාපය ඊයේ (25) මධ්යම රාත්රී පමණ වන විට ශ්රී ලංකාවට දකුණු දෙසින් පැවති ඇති අතර එය ඉදිරි පැය 30 තුළ පීඩන අවපාතයක් දක්වා වර්ධනය විය හැකි හෙයින් දිවයිනේ වැසි සහ සුළං තත්ත්වයේ වැඩි වීමක් ඉදිරි දින කිහිපයේදීත් බලාපොරොත්තු විය හැකි බව කාලගුණවිද්යා දෙපාර්තමේන්තුව මඟින් ප්රකාශ කර ඇත.
