අස්වැසුම වැඩසටහන යටත් මේ වන විට ලක්ෂ 18ක් ප්‍රතිලාභ ලබන බවත් එයට අමතරව තවත් ලක්ෂ 9ක පමණ පිරිසක් එය ඉල්ලා තිබෙන බවත් වාර්තා වේ.
මේ බව කියා සිටියේ ග්‍රාමීය සංවර්ධන, සමාජ ආරක්ෂණ සහ ප්‍රජා සංවර්ධන ඇමැති ආචාර්ය උපාලි පන්නිලගේ විසින් ප්‍රජ ශක්ති ජාතික වැඩසටහනේ සමාරම්භක උත්සවය සම්බන්ධයෙන් ප්‍රවෘත්ති දෙපාර්තමේන්තුවේ ඊයේ පැවැති මාධ්‍ය හමුවකදී නැගුණු පැනයකට පිළිතුරු වශයෙනි.
ග්‍රාමීය දිළිඳු බව තුරන් කිරීම වෙනුවෙන්, ප්‍රජා ශක්ති නමින් ජාතික ව්‍යාපාරයක් ආරම්භ කිරීමට රජය සැලසුම් කර තිබේ.
කෙසේ වෙතත් එහිදී හෙළි කරනු ලැබුවේ වසර 25ක් තුළ රටේ දුගී පවුල් සංඛ්‍යාව ඉතා ඉහළට ගොස් ඇති බවයි. එය 2000 වසරේ ලක්ෂ 11ක්ද 2010 වසරේදී පවුල් ලක්ෂ 15ක් ද 2024 වසරේදී ලක්ෂ 18ක් ද ලෙස එය ඉහළට ගොස් ඇති බව අනාවරණය විය.
