රාජ්ය සේවයට 26,095ක් අලුතින් බඳවා ගැනීමට අමාත්ය මණ්ඩල අනුමැතිය හිමිව තිබේ.
ඒ අනුව ගුරුවරු 23,344ක් ඇතුළුව මෙම බඳවා ගැනීම් සිදුකිරීමට නියමිත බවයි කැබිනට් ප්රකාශක අමාත්ය වෛද්ය නලින්ද ජයතිස්ස මහතා සඳහන් කළේ.
රාජ්ය සේවයේ බඳවාගැනීම් ක්රියාවලිය සමාලෝචනය කරමින් අවශ්යතා, ප්රමුඛතා හා කාලරාමු හඳුනාගෙන ඒ ආශ්රිතව අත්යවශ්යයෙන්ම සිදු කළ යුතු බඳවාගැනීම් ප්රමාණයන් සම්බන්ධයෙන් අවශ්ය පියවර ගැනීම සඳහා අග්රාමාත්ය ලේකම්ගේ ප්රධානත්වයෙන් නිලධාරි කමිටුවක් පත්කිරීම සඳහා 2024/12/30 වන දින පැවති අමාත්ය මණ්ඩල රැස්වීමේදී අනුමැතිය ලබා දී තිබුණි.
එම කමිටුව වෙත ඒ ඒ අමාත්යාංශ විසින් එම අමාත්යාංශ යටතේ පවතින දෙපාර්තමේන්තු සහ අනෙකුත් ආයතනවල පවතින තනතුරු පුරප්පාඩු සම්පූර්ණ කිරීම සඳහා ඉදිරිපත් කරන ලද ඉල්ලීම් සැලකිල්ලට ගෙන කමිටුව විසින් නිර්දේශ කරන බඳවාගැනීම් සිදු කිරීම සඳහා අදාළ අමාත්යාංශ සහ ආයතන වෙත අනුමැතිය ලබා දීමට අගමැතිනිය ඉදිරිපත් කළ යෝජනාව අනුමත කර ඇත.
