රජයේ වෛද්ය නිලධාරීන්ගේ සංගමයේ අඛණ්ඩ වෘත්තිය ක්රියාමාර්ගය එළැඹෙන පෙබරවාරි 02 වැනිදා සිට තීව්ර කිරීමට එම සංගමය තීරණය කර තිබේ.
එළඹෙන සඳුදා (02) සිට වෘත්තීය සමිති ක්රියාමර්ග දැඩි කිරීමට රජයේ වෛද්ය නිලධාරීන්ගේ සංගමය තීරණය කර තිබේ.
ඒ අනුව රෝහල තුල නොමැති ඖෂධ සහ උපකරණ බාහිරින් ලබා ගැනීම සඳහා රෝගීන්ට නිර්දේශ කර තුණ්ඩු නිකුත් කිරීම අත්හිටුවීම, රෝහල තුල නොමැති රසායනාගාර පරීක්ෂණ බාහිරින් සිදු කරගැනීම සඳහා රෝගීන්ට නිර්දේශ කර තුණ්ඩු නිකුත් කිරීම අත්හිටුවීම, දේශපාලන කණ්ඩායම් විසින් සංවිධානය කරනු ලබන සෞඛ්ය කදවුරු සහ සායන සඳහා ස්වෙච්ඡාවෙන් සහභාගිවිමෙන් ඉවත් වීම, අනුමත වෛද්යවරුන් සංඛ්යාව නොමැතිව රෝහල් පද්ධතිය තුල විවෘත කරන නව රෝහල් වාට්ටු සහ ඒකක වලට වෛද්යවරුන් අනුයුක්ත කිරීම අත්හිටුවීම, රෝගීන්ගේ ආරක්ෂාව සහ පෞද්ගලිකත්වය සුරැකීමට අවශ්ය ප්රමාණවත් පහසුකම් සහ සහායක කාර්යමණ්ඩලය නොමැතිව රෝගීන් පරීක්ෂා කිරීමෙන් ඉවත් වීම, විශේෂඥ වෛද්යවරුන් තමන් අනුයුක්ත කරන ලද රෝහල තුළ පමණක් විශේෂඥ සේවා සැපයීම සහ ඉන් පරිබාහිර විශේෂඥ වෛද්යවරුන් නොමැති රෝහල්වල සේවාවන් සදහා රාජකාරි ආවරණය කිරීමෙන් ඉවත් වීම යනාදී ක්රියාමාර්ගවලට එළඹෙන බව රජයේ වෛද්ය නිලධාරීන්ගේ සංගමය සඳහන් කරයි.
ඉල්ලීම් කිහිපයක් මුල් කරගනිමින් රජයේ වෛද්ය නිලධාරීන්ගේ සංගමය පසුගිය 26 වැනිදා සමස්ත රෝහල් පද්ධතිය ආවරණය වන පරිදි මෙම අඛණ්ඩ වෘත්තිය ක්රියාමාර්ගය ආරම්භ කළ අතර පසුගිය 26 වැනි දින රැස්වූ රජයේ වෛද්ය නිලධාරීන්ගේ සංගමයේ මධ්යම කාරක සභාව සිය ගැටළු සඳහා විසඳුම් දීමට පැය 48ක කාලයක් ලබා දුන්නේය.
එහෙත් එම කාලය තුළද සාධනීය විසඳුමක් නොලැබුණු හෙයින් එළඹෙන 02 වැනිදා සිට නැවත අඛණ්ඩව වෘත්තීය සමිති ක්රියාමාර්ග පවත්වාගෙන යාමට තීරණය කර ඇත.
