මහනුවර ජාතික රෝහල මැදින් වැටී ඇති මාර්ගයේ ගමන් කර එහි ආරක්ෂක නිලධාරීන් සමග බහින්බස්වීමක් සිදු වූ සිද්ධියට තමන්ගේ කිසිම අදාළත්වයක් නැති බව ජාතික ජනබලවේගයේ පාර්ලිමේන්තු මන්ත්‍රී ජගත් මනුවර්ණ මේ සතියේ අනිද්දා පුවත්පතට පවසා තිබේ.
මේ සම්බන්ධයෙන් සත්‍ය අසත්‍යබව කිසිදු පාර්ශ්වයක් තමන්ගෙන් නොවිමසූ බව කියන මන්ත්‍රීවරයා, මහනුවර ජනතාව තමාව ඉතා හොඳින් දන්නා බවත් තමන්ට ඔවුන් ඡන්ද ලබා දුන්නේ එම පදනම මත බවත් කියා ඇත.
පසුගිය ජුනි 24 දා රෝහලට මැදින් වැටී ඇති පාරේ ඇතුළු වාහනයක සිටි අයෙක් තමන් ජාතික ජනබලවේගයේ මන්ත්‍රීවරයෙකු බවත් හඳුනන්නේ නැති ද විමසා බහින්බස් වූ බවත් පුවතක් වාර්තා කෙරුණු අතර මන්ත්‍රීවරයා කවුදැයි එහි සඳහන් නොවීය.
