පසුගිය සමයේ විවිධ ප්‍රකාශ නිසා පුවත් මැවූ චරිතයක් වන වෘත්තීය අධ්‍යාපන නියෝජ්‍ය අමාත්‍ය නලින් හේවගේ සතිඅන්ත මව්බිම පුවත්පත සමඟ සම්මුඛ සාකච්ඡාවකට එක්ව තිබේ. එහිදී ඔහු ප්‍රකාශ කර ඇත්තේ තමන් ඇතුළු කිහිප දෙනෙකුට ප්‍රහාර එල්ල කරන්නේ පක්ෂයේ දෙවැනි පෙළක් නැගෙමින් තිබීමට බිය වී ඇති විපක්ෂ කණ්ඩායම් බවයි.
එම ප්‍රකාශයට අදාළ කොටස පහතින්,
ප්‍රශ්නය – නලින් හේවගේ, නිලන්ති කොට්ටහච්චි, නාමල් කරුණාරත්න, චතුරංග අබේසිංහ වගේ කිහිප දෙනෙක් ගත්තම ඔබලා මේ කරපු නොගැලපෙන, අසත්‍ය ප්‍රකාශ මැතිවරණ ව්‍යාපාරයට ඍජුවම බලපෑවා කියලා දැන්වත් පිළිගන්න වෙනවා නේ ද?
අපි හිතන්නෙ නෑ එහෙම විශාල බලපෑමක් වුණා කියලා. විශේෂයෙන්ම ඔවුන්ට අභියෝගාත්මක දෙවැනි පෙළක් නිර්මාණය වෙමින් තිබෙනවා. එතකොට ඔවුන් බලනවා ඒ මතුවන සමාජය පිළිගත් දෙවැනි පෙළක් කියන ඒවා අවිශ්වාසයට ලක් කරන්න නම් ඔවුන් ඉලක්ක කර ගත් දැවැන්ත ප්‍රහාරයක් එල්ල කරන්න ඕනෑ කියලා. ඒ නිසා මතුවෙන්නේ කවුද ඒ මතුවෙන කෙනා ඉලක්ක කරමින් ඔහුට දැවැන්ත ප්‍රහාරයක් එල්ල කිරීමක් ඒ පාර්ශ්වය තුළින් දක්නට ලැබෙන්නේ. අපි සතුටු වෙනවා ඇත්තටම අපි විරාම ලකුණකට, කොමාවකට අපෙන් පිට වෙන වචනයකට තමයි ඔවුන්ට විවේචන තිබෙන්නේ. ඒ මහත්තුරු ඒ විදිහට දැඩිව අසරණවීම ගැන අපිට දැඩි සතුටක් තියෙනවා.
