සතොස සන්නාමය යටතේ අත්‍යවශ්‍ය ආහාර ද්‍රව්‍ය නිකුත් කිරීමේ පළමු අදියර රජය විසින් ආරම්භ කර ඇත.
මෙම වැඩසටහන ඊයේ (18) දින නාරාහේන්පිට විශේෂ ආර්ථික මධ්‍යස්ථානයේ පිහිටි ලංකා සතොස අලෙවිසැලේදී, ඇසුරුම් කළ නාඩු සහ සුදු කැකුළු සහල් නිකුත් කිරීමෙන් ආරම්භ විය. සමූපකාර තොග වෙළෙඳ සංස්ථාවේ සභාපති කෝසල විල්බාව මහතා සහ ලංකා සතොස සභාපති ආචාර්ය සමිත පෙරේරා සහභාගි විය.
අද සිට දිවයින පුරා පාරිභෝගිකයින්ට අලුතින් හඳුන්වා දුන් ජාතික සතොස සන්නාමය යටතේ නාඩු සහ සුදු කැකුළු සහල් ලංකා සතොස අලෙවිසැල් හරහා මිලදී ගැනීමට හැකි වනු ඇත.
