ත්‍රස්තවාදය වැළැක්වීමේ පනත (PTA) මේ වසරේ සැප්තැම්බර් මාසය වන විට අහෝසි කරන බව විදේශ අමාත්‍ය විජිත හේරත් පවසයි.
අද (22) පාර්ලිමේන්තුව අමතමින් අමාත්‍යවරයා ප්‍රකාශ කළේ, ඒ සම්බන්ධ ගැසට් නිවේදනය සැප්තැම්බර් මස මුලදී නිකුත් කිරීමට නියමිත බවයි.
“අපි බලයට පත් වී කෙටි කාලයක් තුළ, PTA පනත අධ්‍යයනය කර නිර්දේශ ඉදිරිපත් කිරීම සඳහා කමිටුවක් පත් කළා. එම කමිටුව කිහිප වතාවක් රැස්වී අදාළ සංශෝධන සිදුකිරීම ආරම්භ කර තිබෙනවා,” ඔහු පැවසීය.
අමාත්‍ය විජිත් හේරත් මහතා වැඩිදුරටත් කියා සිටියේ, අදාළ සංශෝධන පිළිබඳ කටයුතු අගෝස්තු මස අවසන් වන විට සම්පූර්ණ කරන බවත්, ඉන් අනතුරුව සැප්තැම්බර් මාසයේදී PTA පනත අහෝසි කිරීම පිළිබඳ ගැසට් නිවේදනයක් නිකුත් කරන බවත්ය.
