අද (26) දින ස්ථාන කිහිපයක ආරක්ෂාව තර කර ඇතැයි වාර්තා වේ.
කොටුව මහේස්ත්‍රාත් අධිකරණය අවට ආරක්ෂාව දැඩි කර ඇති අතර එහි ආරක්ෂාවට පොලීසිය සහ විශේෂ කාර්ය බළකාය කැඳවා තිබේ. අධිකරණ පරිශ්‍රයට ඇතුළු වන පුද්ගලයින්ගේ නඩු අංක පරීක්ෂා කර ගමන්මලු සහ පුද්ගලයින් දැඩි ලෙස පරීක්ෂාවට ලක්කරන අතර කිව් මාර්ගයෙහි (Kew Road) පදිංචිකරුවන්ට හා නීතිඥවරුන්ට පමණක් එම මාර්ගයට ඇතුළු විය හැකිය.
එසේ ම රාජ්‍ය මුදල් අවභාවිතයක් සම්බන්ධයෙන් සැකපිට බන්ධනාගාරගත කර පසුව ජාතික රෝහලට ඇතුළත්ව දැඩි සත්කාර ඒකකයේ ප්‍රතිකාර ලබන හිටපු ජනපති රනිල් වික්‍රමසිංහ සිටින එම රෝහල අවටද ආරක්ෂාව දැඩි කර ඇති බව වාර්තා වේ.
එසේ ම ජනතා විමුක්ති පෙරමුණ මූලාස්ථානය තිබෙන පැලවත්ත එම කාර්යාලය අවටද සන්නද්ධ සේවා යොදවා ආරක්ෂාව දැඩි කර ඇතැයි පැවසේ.
