මහජන මුදල් අවභාවිතා කරමින් සිය බිරිදගේ උපාධි ප්රධානෝත්සවයකට සහභාගී වීම සදහා ලන්ඩනය බලා ගොස් ඇති බවට, හිටපු ජනාධිපති රනිල් වික්රමසිංහ මහතාට එරෙහිව එල්ල වී තිබෙන චෝදනාව පිළිබදව විමර්ශනය කිරීම සදහා ලන්ඩනයට ගිය අපරාධ පරීක්ෂණ දෙපාර්තමේන්තුවේ නිළධාරීන් පිරිස අද (22) නීතිපති දෙපාර්තමේන්තුව වෙත පැමිණීමට නියමිත බව වාර්තා වෙයි.
හිටපු ජනාධිපති රනිල් වික්රමසිංහ මහතා එම සංචාරය මඟින් රජයේ මුදල් රුපියල් මිලියන 16.6ක් අවභාවිතා කිරීම පිළිබඳ ඔහුට චෝදනා එල්ල වී තිබේ.
මෙකී සිද්ධියට අදාළව අත්අඩංගුවට ගෙන රක්ෂිත බන්ධනාගර ගතව සිටි වික්රමසිංහ මහතා මේ වන විට ඇප මත නිදහස්ව සිටියි.
ඒ අනුව අපරාධ පරීක්ෂණ දෙපාර්තමේන්තුව විසින් අනාවරණය කරගෙන තිබෙන අද තොරතුරු නීතිපති දෙපාර්තමේන්තුවට වාර්තා කරන බව සඳහන්.
ශානි අබේසේකර මහතා විසින් මෙම හමුව සංවිධානය කර තිබෙන අතර, ලන්ඩන් ගිය සී.අයි.ඩී. කණ්ඩායම අද දිනයේ දී අතිරේක සොලිසිටර් ජනරාල් දිලීප පීරිස් සහ රජයේ ජ්යේෂ්ඨ නීතීඥ සමදාරී පියසේන යන අය හමු වීමට නියමිත බව වැඩිදුරටත් වාර්තා විය.
