එළඹෙන නොවැම්බර් මස 01 වැනි දින සිට පොලිතීන් බෑග් සඳහා ක්‍රියාත්මක වන පරිදි නොමිලේ ලබා දීම අත්හිටුවා තිබෙන අතර වෙළෙඳ සැලෙන භාණ්ඩ මිලදී ගන්නා විට පාරිභෝගිකයා විසින් පොලිතීන් බෑග් (LDPE & LLDPE ප්ලාස්ටික් බහාලුම් මලු) ගන්නේ නම් එම මිල ද බිල්පතෙහි සඳහන් කළ යුතු වෙයි.
මේ අතර ව්‍යාපාරික ස්ථානයේ පොලිතීන් බෑග් මිලද ප්‍රදර්ශනය කළ යුතු වෙයි.
මෙය 2003 අංක 9 දරන පාරිභෝගික කටයුතු පිළිබඳ අධිකාරිය පනතේ 10(1) ආ (ii) වගන්තිය යටතේ නිකුත් කළ විශේෂ විධානයකි.
පරිසර ආරක්ෂණය වෙනුවෙන් ගෙන ඇති පියවරක් ලෙස මෙය දැක්වෙන අතර වෙළෙඳ,වාණිජ ආහාර සුරක්ෂිතතා සහ සමූපකාර සංවර්ධන අමාත්‍යාංශය විසින් මෙය ක්‍රියාත්මක කරයි.
