අගෝස්තු 22 දින සෑම වසරකම සමරනු ලබන ආගම හෝ විශ්වාසය මත සිදු වූ ප්‍රචණ්ඩත්වයේ ගොදුරුවූවන් සිහිපත් කිරීමේ ජාත්‍යන්තර දිනය, 2019දී එක්සත් ජාතීන්ගේ මහ මණ්ඩලය විසින් ස්ථාපිත කරන ලදී. මෙම දිනයේ අරමුණ වන්නේ ආගම හෝ විශ්වාසය හේතුවෙන් ජීවිත අහිමි වූ හෝ පීඩාවට පත් වූ ගොදුරුවූවන් ස්මරණය කිරීමයි.
ඇතැම් රටවලත්, ශ්‍රී ලංකාවද ඇතුළුව, ආගමික තර්ජන සහ ප්‍රචණ්ඩ ක්‍රියා ඉතිහාසය පුරා දැකගත හැකි ය. එම නිසා මෙම දිනය ැමරීම, සමාජයේ විවිධත්වය පිළිගැනීමේ වැදගත්කම මතක් කරන අවස්ථාවක් ලෙස දැක්විය හැකිය.
අදත් ලෝකයේ බොහෝ ප්‍රදේශවල ආගමික පීඩන සහ ප්‍රහාර සිදුවෙමින් පවතින බව United Nations අවධාරණය කරයි. ඒ හේතුවෙන් මෙම දිනයේදී ඊට ගොදුරු වූවන් සම්මානයෙන් යුතුව සැමරීමෙන් පමණක් නොව, අනාගතයේදී මෙවන් සිදුවීම් වළක්වා ගැනීමට රටවල් සහ සමාජ අවධානය යොමු කිරීමේ වැදගත්කම අවධාරණය කෙරේ.
ලොව පුරාම ආගමික හෝ විශ්වාස පදනම් කරගත් ප්‍රහාර හා පීඩන ක්‍රියා තවමත් සිදුවෙමින් පවතී. මේවා හේතුවෙන් මිනිස්කමට නිගාදෙන ප්‍රචණ්ඩ ක්‍රියා, සංස්කෘතික උරුම විනාශය කියා නිම කළ නොහැකි තරම් ය. මෙරටද පසුගිය ඉතිහාසයක් පුරා මෙවැනි සිදුවීම් සිදුවුණ අතර ඒවා පිටුපස තිබුණේ දේශපාලන හේතු බවට පහසුවෙන් හඳුනාගත හැකි ය.
බලය ලබා ගැනීමේ සරල දේශපාලන සූත්‍රය වෙනුවෙන් ආගම කුප්පා කරනු ලබන විනාශය වැළැක්වීම පිණිස මේ සාකච්ඡාව දිගට යොදාගත යුතු බව අපගේ අදහසයි.
