ආනයන නීති උල්ලංඝනය කරමින් මෙරටට ආනයනය කළ වාහන 300කට අධික සංඛ්‍යාවක් හම්බන්තොට වරායේ ගාල් කර ඇති බවත්, ඉතා ඉක්මනින් ඒවා සම්බන්ධයෙන් තීරණයක් ගන්නා බවත් ශ්‍රී ලංකා රේගු ආරංචිමාර්ග පවසයි.
මේ වාහන අතර වැඩි ප්‍රමාණයක් ඇත්තේ ජපානයෙන් ආනයන කළ වාහන බව පැවසේ. පසුගිය පෙබරවාරි මස වාහන ආනයනය විවෘත කළ පසු කොන්දේසි කඩකරමින් ගෙන්වූ වාහන විශාල සංඛ්‍යාවක් මේ අතර තිබෙන බවයි වාර්තා වන්නේ.
මුදල් අමාත්‍යංශය සහ ශ්‍රී ලංකා රේගුව සාකච්ඡා කර මෙම වාහන තොගය සම්බන්ධයෙන් තීරණයක් ගැනීමට නියමිත බව වාර්තා වේ.
