හිටපු කම්කරු සහ විදේශ රැකියා අමාත්‍ය මනූෂ නානායක්කාර මහතා මූල්‍ය අපරාධ විමර්ශන කොට්ඨාසය වෙත පැමිණ ඇතැයි වාර්තා වේ.
තමාට එන්න කියා ඇත්තේ, වත්කම් සම්බන්ධයෙන් ප්‍රකාශයක් ලබා දීමට තමා කැඳවා ඇතැයි පැවසූ හිටපු ඇමැතිවරයා, තමා එන බව මාධ්‍ය මගින් විස්තර සහිතව දවස් කීපයක් තිස්සේ පළ කර තිබෙනු දුටු බවද කියා සිටියේ ය. කෙසේ වෙතත්, ජනතාව දැඩි බලපොරොත්තු තබාගෙන රජය බලය පත් කළ බවත් වත්මන් රජය එදා කී කතා බොරු බව ඔවුන්ට ම පැවසීමට සිදුව ඇති බවත් එයින් ජනතාව අපේක්ෂාභංග වී ඇති බවත් පැවසූ ඔහු මාධ්‍ය සංදර්ශනවලින් එම ජනතාවට සන්තෝෂයක් දෙන බවද පැවසීය. කෙසේ වෙතත් විමර්ශනවලට තමා බිය නොවන බවද ඔහු අවධාරණය කළේ ය.
