හිටපු කථානායක පාර්ලිමේන්තු මන්ත්රී මන්ත්රී අශෝක රන්වල මහතා සම්බන්ධ රිය අනතුරට අදාළව සිදු වූ සිදුවීමේදී පොලිස් නිලධාරීන්ගේ රාජකාරි පැහැර හැරීමක් සිදුවූවාද යන්න පොලිස්පතිවරයාගේ නියෝග මත විමර්ශනයක් ක්රියාත්මක බව අමාත්ය නලින්ද ජයතිස්ස මහතා පැවසීය.
ඇතැම් පාර්ශ්වවලින් පොලිස් නිලධාරීන් අනතුර සිදුවූ අවස්ථාවේදී රාජකාරි පැහැර හැර ඇති බවට එල්ල වන චෝදනා හමුවේ මෙම පියවර ගෙන ඇති බවයි අද (16) පැවැති කැබිනට් තීරණ දැනුම්දීමේ මාධ්ය හමුවේදී මාධ්යවේදියෙකු යොමු කළ ප්රශ්නයකට පිළිතුරු ලබා දෙමින් අමාත්යවරයා සඳහන් කළේ.
අදාළ විමර්ශන සම්බන්ධයෙන්ද වාර්තාවක් අධිකරණයට ඉදිරිපත් කිරීමට නියමිත බවද අමාත්යවරයා පැවසීය.
“මේ වෙනකොට ඔබ දන්නවා ඇති සමහර පාර්ශ්වවලින් චෝදනා එල්ල වූ නිසා පොලීසිය පැත්තෙන් අඩුපාඩුකමක් සිදුවුණා කියලා පොලිස්පතිවරයාගේ නියෝගයෙන් පොලිස් නිලධාරීන්ගේ රාජකාරි පැහැර හැරීමක් වූවාද කියන එක සම්බන්ධයෙන් විමර්ශනකුත් සිදු කෙරමින් පවතිනවා. මේ සියලු වාර්තා අධිකරණයට ඉදිරිපත් වෙනවා එතකොට ඒ සම්බන්ධයෙන් තීන්දුව බලාගන්න පුළුවන්.” යනුවෙන් අමාත්යවරයා ප්රකාශ කළේය.
