මෙරට වාමාංශික දේශපාලන නියෝජනය කළ මහාචාර්ය තිස්ස විතාරණ අභාවප්රාප්ත වී තිබේ.
පාර්ලිමේන්තු මන්ත්රීවරයෙක් ලෙස වරස 15කට වැඩි කාලයක් ව්යවස්ථාදායකය තුළ කටයුතු කර තිබෙන මහාචාර්ය තිස්ස විතාරණ ලංකා සම සමාජ පක්ෂය නියෝජනය කරන ලදී.
අවසන් වරට ශ්රී ලංකා පොදුජන පෙරමුණෙන් පාර්ලිමේන්තුවට පිවිසි අතර ඔහු වෘත්තියෙන් වෛද්යවරයෙක් ලෙස කටයුතු කර ඇත.
විදුලිබල හා බලශක්ති උපදේශක කමිටුව අධ්යාපනය පිළිබඳ උපදේශක කමිටුව දේශීය වෛද්ය විද්යාව පිළිබඳ උපදේශක කමිටුව තාක්ෂණය, පර්යේෂණ සහ පරමාණුක බලශක්ති උපදේශක කමිටුව තාක්ෂණය සහ පර්යේෂණ උපදේශක කමිටුව ප්රතිපත්ති සැලසුම් කිරීම, ආර්ථික කටයුතු, ළමා, තරුණ හා සංස්කෘතික කටයුතු පිළිබඳ උපදේශක කමිටුව සෞඛ්ය හා දේශීය වෛද්ය විද්යාව පිළිබඳ උපදේශක කමිටුව කර්මාන්ත හා වාණිජ කටයුතු පිළිබඳ උපදේශක කමිටුව පළාත් සභා සහ ප්රාදේශීය සංවර්ධනය පිළිබඳ උපදේශක කමිටුව යන උපදේශක කමිටුවලද මහාචාර්ය තිස්ස විතාරණ කටයුතු කර තිබේ.
මහාචාර්ය තිස්ස විතාරණ මිය යන විට 91 වෙනි වියේ පසු වූ අතර පසුගිය කාලය තුළ රෝගාතුරුව සිටි අතර අද උදෑසන කෝට්ටේ ප්රදේශයේ පිහිටි ඔහුගේ නිවසේදී අභාවප්රාප්ත වී ඇත.
දේහය පිළිබඳ අවසන් කටයුතු ඉදිරියේදී දැනුම් දෙනු ඇති.
