/ Aug 30, 2025

මහ දියඹේ බිහිසුණු අනතුරක්; ධීවරයන් 4ක් අතුරුදන්

ධීවර යාත්‍රාවක් නැවක ගැටී සිදු වූ අනතුරකින් ධීවරයින් 04 දෙනෙකු අතුරුදන්ව තිබේ.

දෙවිනුවර ධීවර වරායෙන් මුහුදු ගිය ධීවර යාත්‍රාවක් ඊයේ (27) රාත්‍රියේ මෙලෙස අනතුරට ලක්ව ඇති බවයි වාර්තා වන්නේ.

ගොඩබිම සිට සැතපුම් 20කට ආසන්න මුහුදේ දී මෙම අනතුර සිදුව තිබේ.

අනතුර සිදුවන අවස්ථාවේ ධීවර යාත්‍රාවේ ධීවරයින් පස් දෙනෙක් සිට ඇති අතර, ඉන් එක් ධීවරයෙක් බේරා ගැනීමට වෙනත් යාත්‍රාවක සිටි පිරිසක් කටයුතු කර තිබේ.

අතුරුදන් වූ එම ධීවරයින් සිව්දෙනා සෙවීමේ කටයුතු මේ වන විට ආරම්භ කර ඇති බව සඳහන්.

නාවික හමුදා මෙහෙයුම් යාත්‍රාවක් සහ තවත් ධීවර යාත්‍රා කිහිපයක් එක්ව එම මෙහෙයුම් සිදුකරනු ලබයි.

Leave a Comment

Your email address will not be published. Required fields are marked *

Scroll to Top