කොළඹ වරායේ සිට බහාලුම් 323 ක් අනිවාර්ය භෞතික පරීක්ෂණයට භාජනය කිරීමකින් තොරව නිදහස් කිරීම සම්බන්ධයෙන් සොයා බැලීමට පත්කළ පාර්ලිමේන්තු විශේෂ කාරක සභාවෙන් වරාය සහ සිවිල් ගුවන් සේවා අමාත්ය අනුර කරුණාතිලක ඉල්ලා අස්වී තිබේ.
කොළඹ වරායේ සිට බහාලුම් 323 ක් අනිවාර්ය භෞතික පරීක්ෂණයට භාජනය කිරීමකින් තොරව නිදහස් කිරීම සම්බන්ධයෙන් සොයා බලා වාර්තා කිරීමටත් ඒ පිළිබඳව සිය යෝජනා හා නිර්දේශ ඉදිරිපත් කිරීමටත් වන පාර්ලිමේන්තු විශේෂ කාරක සභාව තෙවැනි දිනටත් අධිකරණ සහ ජාතික ඒකාබද්ධතා අමාත්ය නීතීඥ හර්ෂණ නානායක්කාරගේ සභාපතීත්වයෙන් පසුගිය 11 වැනිදා පාර්ලිමේන්තුවේදී රැස්විය..
හර්ෂණ නානායක්කාර (සභාපති – අධිකරණ සහ ජාතික ඒකාබද්ධතා අමාත්ය)
චතුරංග අබේසිංහ (කර්මාන්ත සහ ව්යවසායකත්ව සංවර්ධන නියෝජ්ය අමාත්ය)
නීතිඥ සුනිල් වටගල (මහජන ආරක්ෂක සහ පාර්ලිමේන්තු කටයුතු නියෝජ්ය අමාත්ය)
අර්කම් ඉල්යාස් (බලශක්ති නියෝජ්ය අමාත්ය)
නීතිඥ දයාසිරි ජයසේකර
නීතිඥ අජිත් පී. පෙරේරා
ඩී. වී. චානක
මුජිබුර් රහුමාන්
වෛද්ය නජිත් ඉන්දික
නීතිඥ ලක්මාලි හේමචන්ද්ර යන අය එම විශේෂ කාරක සභාව නියෝජනය කරයි.
එහිදී අමාත්යවරයා මෙම කාරක සභාවේ සාමාජිකත්වයෙන් ඉල්ලා අස්ව ඇති බවට දැනුම් දී ඇති අතර ඒ අනුව වෙනත් සාමාජිකයෙන් ඉදිරියේදී ඒ සඳහා පත් කරනු ඇති බවත් කාරක සභා සභාපතිවරයා සාක්ෂි විමසීම ආරම්භයට පෙර කාරක සභාවට දැනුම් දී තිබුණි.
ශ්රී ලංකා රේගුවේ අධ්යක්ෂ ජනරාල් සීවලී අරුක්ගොඩ ඇතුළු ශ්රී ලංකා රේගුවේ නිලධාරීන් පිරිසක් කාරක සභාව වෙත කැඳවා තිබූ අතර සිද්ධියට අදාළ සාක්ෂි ලබා ගැනීම ආරම්භ කර ඇත.
