/ Aug 30, 2025

මාරකයකින් කෙළවර වූ වන්දනා ගමන!

අද (16) උදෑසන කාලයේ මොණරාගල පොලිස් වසමේ පොතුවිල් වැල්ලවාය ප්‍රධාන මාර්ගයේ 255 කිලෝමීටර් කණුව ආසන්නයේදී දඹගල්ල දෙස සිට මොණරාගල දෙසට ධාවනය වූ ලංගම බස් රථයක් ප්‍රතිවිරුද්ධ දෙසින් පැමිණි වන්දනා චාරිකාවක් යමින් සිටි පුද්ගලික බස් රථයක ගැටී ඇති බව වාර්තා වෙයි.

අනතුරින් ලංගම බස් රථයේ රියදුරු රෝහල් ගත කිරීමෙන් පසු මිය ගොස් ඇති අතර මෙලෙස මිය ගොස් ඇත්තේ වයස අවුරුදු 32ක් වූ රුවල්වෙල, දඹගල්ල ප්‍රදේශයේ පදිංචිකරුවෙක් බව පොලිසිය සඳහන් කරයි.

අනතුරින් බස් රථ දෙකෙහි ගමන් ගත් මගීන් 22 දෙනෙකු පමණ තුවාල ලබා මොණරාගල රෝහලට ඇතුළත් කර තිබෙන අතර මොණරාගල පොලිසිය අනතුර සම්බන්ධයෙන් වැඩිදුර විමර්ශන සිදු කරනු ලබයි.

Leave a Comment

Your email address will not be published. Required fields are marked *

Scroll to Top