ගලෙන්බිඳුණු වැව ප්‍රදේශයේ ඇති ගැටලාව වැවේ තිබී විශාල උණ්ඩ තොගයක් හමුවී ඇත. මෙම ප්‍රමාණය ටී 56 වර්ගයේ ජීව උණ්ඩ 7,118ක් පමණ බව විමර්ශන අංශ වාර්තා කරයි.
ගැටලාව වැව වෙත දරකැඩීම සදහා පැමිණි පුද්ගලයෙකු දරකැඩීම සඳහා වැවට බැස ඇති අතර එම අවස්ථාවේ දී වැවෙහි ජලයේ තිබී උණ්ඩ කිහිපයක් දැක තිබුණි.
මේ පිළිබඳව එම පුද්ගලයා විසින් 118 හදිසි ඇමතුම් අංකය හරහා ගලෙන්බිඳුණුවැව පොලිස් ස්ථානය දැනුවත් කර ඇති අතර එහිදී සිදු කළ විශේෂ සෝදිසි මෙහෙයුමේ දී මෙම උණ්ඩ තොගය සොයා ගෙන ඇත.
දවස් දෙකක් තිස්සේ කරන ලද සෙවීම්වලදී මෙම උණ්ඩ ප්‍රමාණය හමුව ඇති අතර, ඒවාට අමතරව ආධාරක අවි උණ්ඩ 115ක් ටී 56 මැගසින් 11ක් සහ ඔයිල් කෑන් 05ක් ද සොයාගෙන තිබේ. වැඩිදූර විමර්ශන ක්‍රියාත්මක වේ.
