නිකවැරටිය සිට කොළඹ බලා ගමන් ගත් ලංගම බස් රථයක් ආරච්චිකට්ටුව, බත්තුළුඔය ප්‍රදේශයේ දී අද(17) උදෑසන 5.15 ට පමණ අනතුරට ලක්ව තිබේ.
බස් රථය මාර්ගයෙන් ඉවතට පැන ගසක ගැටීමෙන් අනතුරුව අසල තිබූ වෙළෙඳසැලක හා නිවසක ගැටී මෙම අනතුරක් සිදුව ඇත.
බස් රථයක ඇතිවූ කාර්මික දෝශයක් ( දුණුකොල කැඩීයෑම ) හේතුවෙන් රියදුරාට පාලනය කරගැනීමට නොහැකිව අනතුර සිදුව ඇති බව පොලිසිය පවසයි.
අනතුරෙන් බස් රථයේ රියදුරු, මගීන් සහ ඒ අසල වෙළදසැලේ සිටි කුඩා දරුවෙකු ඇතුළු 21ක් තුවාල ලබා රෝහල් ගත කර තිබේ.
ආරච්චිකට්ටුව පොලිසිය සිද්ධිය සම්බන්ධයෙන් වැඩිදුර විමර්ශන සිදුකරයි.
