මහියංගන – බදුල්ල මාර්ගයේ මාපාකඩවැව 17 කණුව අසලින් ප්‍රධාන මාර්ගයේ ගමන් ගත් මෝටර් රථයක් මහවැලි වියානා ඇළට පෙරලීමෙන් පුද්ගලයින් දෙදෙනෙකු අවාසනාවන්ත ලෙස ජීවිතක්ෂයට පත්ව තිබේ.
අනතුර සිදුව වන අවස්ථාවේදී මෝටර් රථය තුළ පුද්ගලයන් දෙදෙනෙකු සිට ඇති අතර ඔවුන් කඩිනමින් මහියංගනය මූලික රෝහලට ඇතුළත් කළ ද ඒ් වන විටත් ජීවිතක්ෂයට පත්ව සිටි බවයි වාර්තා වන්නේ.
මෝටර් රථයේ සිටි පුද්ගලයින් දෙදෙනා මොණරාගල ඔක්කම්පිටියේ පදිංචි පුද්ගලයින් දෙදෙනෙකි.
මාපාකඩවැව පොලිස් අභ්‍යාස විද්‍යාලීය නිලධාරීන්, මහියංගන පොලිසිය හා ගම්වාසීන් එක්ව වියානා ඇළට පෙරලුන මෝටර් රථය මහත් වෙහෙසක් දරා ගොඩ ගෙන තිබුණි.
