ඊයේ (06) විකාශය වූ අල් ජසීරා සම්මුඛ සාකච්ඡාව සම්බන්ධයෙන් හිටපු ජනාධිපති රනිල් වික්‍රමසිංහ සිය අතෘප්තිය පළ කර ඇත.
සම්මුඛ සාකච්ඡාව විකාශනය වූ වහාම මාධ්‍ය වෙත අදහස් දක්වමින් හිටපු ජනාධිපතිවරයා කියා සිටියේ සංවාදය මෙහෙයවූ මෙහ්ඩි හසන් සමඟ එක් වූ අනෙක් සාමාජිකයින් තිදෙනාගෙන් දෙදෙනෙකුට එල්ටීටීඊ හිතවාදී සම්බන්ධතා ඇති බවයි.
“මානව හිමිකම් නීතිඥවරියක් සහ ශ්‍රී ලංකා මානව හිමිකම් කොමිසමේ හිටපු කොමසාරිස්වරියක් වන අම්බිකා සත්කුනනාදන් සාකච්ඡාවට සහභාගී වන බව මට දන්වා තිබුණා. . අපගේ දෘෂ්ටිවාදාත්මක වෙනස්කම් තිබියදීත් මම ඇයව හඳුනන බැවින් මම ඒ ගැන සතුටු වුණා. කෙසේ වෙතත්, පසුව මට දැනගන්නට ලැබුණේ ඇය වෙනුවට එල්ටීටීඊ හිතවාදී කණ්ඩායම් සමඟ සම්බන්ධතා ඇති තවත් පැනලි සාමාජිකයින් දෙදෙනෙකු පත් කළ බවයි.” යනුවෙන් රනිල් වික්‍රමසිංහ පැවසුවේය.
ඔහු සම්මුඛ සාකච්ඡාවේ ආකෘතිය ද විවේචනය කළ අතර, ඔහුගේ ප්‍රතිචාරවල ප්‍රධාන කොටස් මඟ හැර ඇති බවට චෝදනා කළේය.
“මම දේශීය මාධ්‍ය සමඟ කතා කරන විට, එය සජීවීව විකාශනය වනවා. එබැවින් සියල්ල – හොඳ සහ නරක යන දෙකම – එළියට එනවා. කෙසේ වෙතත්, අල් ජසීරා ආයතනය මා සමඟ පැය දෙකක් සම්මුඛ සාකච්ඡා කළ නමුත් පැයක කොටසක් පමණක් නිකුත් කළ අතර, එයින් වැඩි කොටසක් සංස්කරණය කර ” යනුවෙන් ඔහු වැඩිදුරටත් පැවසුවේය .
