හංවැල්ල පහත්ගම ප්‍රදේශයේ ඊයේ (13) රාත්‍රියේ වෙඩිතැබීමක් සිදුව තිබේ.
යතුරු පැදියකින් පැමිණි පුද්ගලයන් දෙදෙනෙකු විසින් මෙම වෙඩිතැබීම සිදුකර පළාගොස් ඇති බව වාර්තා වෙයි.
මෙහිදී එක් අයෙකුගේ පාදයකට තුවාල සිදුව ඇති අතර, ඔහු රෝහල්ගතකර තිබේ.මෙලෙස තුවාල ලබා ඇත්තේ 55 හැවිරිදි තුන්තාන ප්‍රදේශයේ පදිංචිකරුවෙකි.
මෙම සිදුවීම සම්බන්ධයෙන් අසල්වාසීන් මෙලෙස අදහස් දක්වන ලදී.
“බුදු අම්මෝ කියලා කෑ ගහනවා ඇහුවා. සද්දෙට දොර ඇරගෙන ගියා මම. අපි මුකුත් දැක්කේ නෑ. මල්ලි පුතාව බදාගෙන ඉන්නවා. ඊට පස්සේ ත්‍රීවිල් එක්ක නග්ගලා ඉස්පිරිතාලේට යැව්වා…මම නිදාගෙන හිටියේ. ජනේලෙ ගාවින් අපේ ගෙදරට තියෙනවා වගේ ඇහුණේ. වෙඩි හඬවල් තුනක් ඇහුණා. මම පුතාව අරන් ඇදෙන් බිමට ආවා. මම පුතාව බිම නිදිකරවලා එයාව කවර් කරගත්තා. අපි නිදාගෙන නේ හිටියේ. කෑ ගහන සද්දේ ඇහුණා. මම එකපාරට නැගිට්ටේ නෑ. පුතාව කවර් කරගෙන ඇවිත් තාත්තාගේ කාමරේට දැම්මා. කෑ ගහන සද්දේ විතරයි අපිට ඇහුණේ.”
