ඇමරිකානු සහ ඊශ්රායල ප්රහාරවල පළමු වටයේදීම මිය ගිය ඉරානයේ උත්තරීතර නායක අයතුල්ලා අලි කමේනි වෙනුවට එරට නව උත්තරීතර නායකයා ලෙස ඔහුගේ පුත්රයා වන මොජ්තාබා කමේනි නම්කර තිබේ.
1969 සැප්තැම්බර් 8 වැනි දින ඊසානදිග මෂාඩ් නගරයේ උපත ලබා ඇති මොජ්ටාබා කමේනි දරුවන් හය දෙනාගෙන් දෙවැන්නා වන අතර තම පියාගේ සෙවණෙහි දශක ගණනාවක් සේවය කළ මොජ්තාබා කමේනි ගතානුගතික ආකෘතිය තුළ ඔහුගේ ආධිපත්යය භාරගෙන ඇති අතර ඔහු කිසිවිටෙකත් ධුරය සඳහා තරඟ කර හෝ මහජන ඡන්දයකට භාජනය වී නොමැත.
ඔහු දශක ගණනාවක් තිස්සේ උත්තරීතර නායකයාගේ අභ්යන්තර කවය තුළ ඉතා බලගතු චරිතයක් වී සිට ඇත. ඔහු IRGC සමඟ ගැඹුරු සබඳතා වර්ධනය කර ගෙන ඇති අතර ඔහු ඉරානයේ ඉස්ලාමීය විප්ලවවාදී ආරක්ෂක බලකායට ද සමීපව සම්බන්ධ වී සිටින අතර, ඉරානයේ බලවත් ඉස්ලාමීය විප්ලවවාදී ආරක්ෂක බලකාය (IRGC) සහ සන්නද්ධ හමුදා යන ප්රධාන නායකයින් නව නායකයාට සහාය දැක්වීමට එකඟ වී ඇත.
ජාත්යන්තර මාධ්ය මොජ්තාබා කමේනිව දක්වා ඇත්තේ ඔහුගේ “පියාගේ දොරටු පාලකයා” ලෙසය. ඔහු එක්සත් ජනපදය සම්බන්ධයෙන්, ඊශ්රායලය සම්බන්ධයෙන් ඔහුගේ පියාගේ ස්ථාවරයන් අනුගමනය කරනු ලබන්නෙකි.
යුද්ධය එහි නවවන දිනය දක්වා දිගු වන විට, IRGC ප්රකාශ කර ඇත්තේ තවත් මාස හයක් දක්වා මැද පෙරදිග පුරා ඔවුන්ගේ ඩ්රෝන් සහ මිසයිල ප්රහාර දිගටම කරගෙන යාමට ප්රමාණවත් සැපයුම් ඔවුන් සතුව ඇති බවත්ය. මේ වන විට නව නායකයා පත්වීමත් සමඟ IRGC නව ජවයකින් නැගිටිනු ඇති බවටද ජාත්යන්තරය විශ්වාසය පළකරයි.
IRGC ප්රකාශක අලි මොහොමඩ් නයිනි නිවේදනය කර තිබුණේ, ඉරානය මෙතෙක් පළමු සහ දෙවන පරම්පරාවේ මිසයිල පමණක් භාවිතා කර ඇති නමුත් ඉදිරි දිනවලදී “දියුණු සහ අඩුවෙන් භාවිතා කරන දිගු දුර මිසයිල” භාවිතා කරන බවයි.
