උපරිම සිල්ලර මිල නියම කළ ඖෂධ වර්ග එම මිලට අලෙවි කරන්නේදැයි සොයා බැලීම සඳහා දීප ව්‍යාප්තව විමර්ශන ආරම්භ කරන බව ජාතික ඖෂධ නියාමන අධිකාරිය පවසයි.
එහි සභාපති විශේෂඥ වෛද්‍ය ආනන්ද විජේවික්‍රම පවසන්නේ මේ වනවිට 500 කට ආසන්න ඖෂධ සංඛ්‍යාවක උපරිම සිල්ලර මිල නියම කර ඇති බවයි.
ඊට අදාළ මිළ සූත්‍රය පසුගියදා පාර්ලිමේන්තුවේදී සම්මත වූ අතර නව මිල සූත්‍රය අනුව මිල නියම කිරීමෙන් ඇතැම් ඖෂධ වර්ගවල මිල ගණන් විශාල ලෙස මිල අඩු වී තිබේ.
එම වාසිය ජනතාවට ලැබෙනවාද යන්න පිළිබඳ එම විමර්ශනවලදී සොයා බැලීමට නියමිත බවත් නියමිත උපරිම මිල ඉක්මාව ඖෂධ අලෙවි කරන ඖෂධ හල්වලට එරෙහිව පියවර ගන්නා බවත් සභාපතිවරයා අවධාරණය කරයි.
