රක්ෂිත බන්ධනාගාරගත කර මේ වන විට ජාතික රෝහලේ දැඩි සත්කාර ඒකකයේ ප්‍රතිකාර ලබන හිටපු ජනපති රනිල් වික්‍රමසිංහ අද දින (26) නැවත කැඳවෙන රාජ්‍ය මුදල් අවභාවිතය පිළිබඳ නඩුවට පැමිණීමට නොහැකි තත්වයක පසුවන බව පැවසේ.
කොළඹ ජාතික රෝහලේ නියෝජ්‍ය අධ්‍යක්ෂ, රුක්ෂාන් බෙල්ලනට අනුව හිටපු ජනපතිවරයාගේ සෞඛ්‍ය තත්වය සම්බන්ධයෙන් විශේෂඥ වෛද්‍යවරුන් පස් දෙනෙකුගෙන් සමන්විත කමිටුවක් වාර්තාවක් ලබා දී ඇති අතර එම වාර්තාව අනුව ඔහුගේ සෞඛ්‍ය තත්වය ගැන සෑහීමකට පත්විය නොහැකි ය.
ඒ අනුව හිටපු ජනපතිවරයා තවදුරටත් දැඩි සත්කාරයේ රැඳී සිටිය යුතු බව පැවසේ.
වෛද්‍ය නිර්දේශය අනුව හිටපු ජනපතිවරයා දැඩි සත්කාර ඒකකයෙන් පිටතට ගෙන යෑම නොහැකි නම් නඩු කටයුත්ත සඳහා ඔහු පිටතට රැගෙන යා නොහැකි ය.
