පොලිස්පතිවරයා විසින් ජනතාව වෙත හඳුන්වා දුන් නව වට්ස්අප් අංකය වෙත එක් දිනකට ලැබුණු පැමිණිලි ප්‍රමාණය 2000ක් බව වාර්තා වේ.
මේ බව මෙරට 37 වැනි පොලිස්පතිවරයා ලෙස දිවුරුම් දුන් ප්‍රියන්ත විරසූරිය විසින් පවසා සිටියේ තනතුරේ වැඩ භාර ගැනීමෙන් පසු මහනායක හිමිවරුන් බැහැ දැකීමට ගිය අවස්ථාවේදීයි.
මෙලෙස ලැබෙන පැමිණිලි සංඛ්‍යාවෙන් පෙනී යන්නේ ජනතාවට පොලිසියෙන් විසඳාගත නොහැකි ප්‍රශ්න විශාල ප්‍රමාණයක් ඇති බව යැයි පොලිස්පතිවරයා කියා සිටියේ ය.
කෙසේ වෙතත් එලෙස ලැබෙන පැමිණිලි විධිමත්ව ඉදිරියේදී විසඳන බව පැවසූ නව පොලිස්පතිවරයා ඉදිරියේදී ජනතාවගෙන් පැමිණිලි නොයන තැනට කටයුතු කරන බවද අවධාරණය කළේ ය.
