පාසල් දැරියන් දෙදෙනෙකු සහ රියදුරුට මරු කැඳවමින් කුලියාපිටියේ දී ඊයේ (27) සිදුවූ අනතුරට අදාළ ටිපර් රථයේ රියදුරු අද (28) අධිකරණයට ඉදිරිපත් කර ඇති අතර, ඔහු සැප්තැම්බර් මස 8 වැනි දින දක්වා රක්ෂිත බන්ධනාගාර ගත කර ඇත.
විලපොළ මංසන්ධියේ පල්ලෙවෙල පාලම මතදී සිදුවූ අනතුරෙන් තිදෙනෙකු මියගොස් පාසල් සිසුවියන් 13 දෙනෙකු තුවාල ලැබූූහ.
අදාළ රියදුරා පැය 24කට අධික කාලයක් නිදිවර්ජිතව රිය ධාවනය කර ඇති බවට අනාවරණය වී ඇති බවද පොලීසිය අධිකරණය හමුවේ පවසා ඇත. ඒ අනුව අදාළ ටිපර් රථයේ හිමිකරුට විරුද්ධව ද ඉදිරියේදී අවශ්‍ය නීතිමය ක්‍රියාමාර්ග ගන්නා බව අධිකරණයේදී සඳහන් කෙරුණි.
