කොබෙයිගනේ ප්‍රදේශයේ සිදු වූ රිය අනතුරකින් කොබෙයිගනේ දිස්ත්‍රික් රෝහලේ ප්‍රධාන වෛද්‍යවරයා මියගොස් ඇතැයි වාර්තා වේ. වෛද්‍යවරයා ත්‍රිරෝද රථයක ගැටී සිදුවූ බරපතළ තුවාල නිසා මෙම මරණය සිදුව ඇතැයි පොලිසිය පවසයි.
කුලියාපිටිය ප්‍රදේශයේ පදිංචි ආර්.එම්.සී. රාමනායක නම් වෛද්‍යවරයා මෙලෙස මියගොස් ඇති අතර ඔහු කොබෙයිගනේ පොලිසිය අසලින් පාර මාරුවීමට උත්සාහ කිරීමේදී ත්‍රිරෝද රථයේ ගැටී ඇත. එයින් සිදු වූ බරපතළ තුවාල හේතුවෙන් කුරුණෑගල ශික්ෂණ රෝහලට ඇතුළත් කර ඇතත් පසුව මිය ගොස් තිබේ.
