විදෙස් ගත ශ්රී ලාංකිකයින්ට ඡන්ද අයිතිය ලබා දීමට ඉදිරියේදී කටයුතු කරන බව විදේශ කටයුතු, විදේශ රැකියා සහ සංචාරක අමාත්ය විජිත හේරත් මහතා පවසයි.
රාජ්ය පරිපාලන අමාත්යාංශයද මැදිහත් වීමෙන් ඒ සඳහා මේ වන විට කටයුතු සම්පාදනය වෙමින් පවතින බව ශ්රී ලංකා විදේශ සේවා නියුක්ති කාර්යාංශයට වසර 40ක් සපිරීම නිමිත්තෙන් අද (27) පැවැති වැඩසටහනට එක්වෙමින් අමාත්යවරයා මේ බව සදහන් කළේය.
“දැනටමත් රාජ්ය පරිපාලන අමාත්යාංශය මගින් විශේෂ කමිටුවක් පත් කරලා තියෙනවා විදේශගත ඔබට ඡන්දය ලබාදීමට අවශ්ය කරන පහසුකම් සලසලා ඊට අවශ්ය කරන නෛතික තත්ත්වය ඇති කරන්න. විදේශ ගත ඔබ සියලු දෙනාට දායක විශ්රාම වැටුප් ක්රමයක් හඳුන්වාදෙන්න අවශ්ය කරන නෛතික සම්පාදනයන් සිදුකරමින් තියෙනවා.” යනුවෙන් අමාත්යවරයා ප්රකාශ කරන ලදී.
