දූෂණ චෝදනාවක් සම්බන්ධයෙන් අත්අඩංගුවට ගත් හිටපු නාවික හමුදාපති වසන්ත කරන්නාගොඩ ඇප මත මුදා හරින ලෙස කොළඹ මහේස්ත්රාත් අධිකරණය නියෝග කර තිබේ.
අල්ලස් කොමිසමේ නිලධාරීන් හා සැකකරුගේ නීතිඥවරු ඉදිරිපත් කළ කරුණු සලකා බැලීමෙන් අනතුරුව කොළඹ ප්රධාන මහේස්ත්රාත් අසංග එස් බෝදරගම මෙම නියෝගය නිකුත් කළේය.
2006 වසරේ ශ්රී ලංකා නාවික හමුදාවේ විධායක අංශය සඳහා ශිෂ්ය භට නිලධාරීන් බඳවා ගැනීමේදී නියමිත සුදුසුකම් සපුරා නොතිබූ යෝෂිත රාජපක්ෂ විධායක අංශයේ ශිෂ්ය භට නිලධාරියෙකු ලෙස බඳවා ගැනීම සහ එවකට පැවති ක්රමවේදයෙන් බැහැරව රජයේ මුදල් වැය කරමින් ඔහුට බ්රිතාන්ය රාජකීය නාවික විද්යාලයේ පුහුණු පාඨමාලාවකට සහභාගී වීමට අවස්ථාව සලසා දීම සම්බන්ධයෙන් වන විමර්ශනයට අදාළව ප්රකාශයක් ලබාගැනීම සඳහා හිටපු නාවික හමුදාපතිවරයා අල්ලස් හෝ දුෂණ චෝදනා විමර්ශන කොමිසම හමුවට අද (03) පෙරවරුවේ කැඳවා තිබුණි.
අනතුරුව ඔහුව අත්අඩංගුවට ගැනීමට කටයුතු කර තිබුණි.
