ලංකාව තුළ අවම තෙල් තොග පවත්වාගැනීම සම්බන්ධයෙන් අමාත්‍යංශ ලේකම්වරයා විසින් දැනටමත් අදාළ සමාගම්වලට දැනුම් දී ඇති බව විෂය භාර අමාත්‍ය අනුර කරුණාතිලක පවසයි.
ඉදිරියේදී ඒ අනුව කටයුතු කරන බවයි අමාත්‍යවරයා පවසන්නේ.
“මේ වෙනුවෙන් අපිට කරන්න පුළුවන් දේ තමයි මේ බර ලංකා ඛණිජ තෙල් නීතිගත සංස්ථාව විසින් අරගෙන සාමාන්‍යයෙන් ඉස්සර තිබුණේ 54%ක විතර ප්‍රමාණයක් දැන් 82%ක දක්වා වැඩි කරලා තියෙනවා ඩීසල් වෙළෙඳපොලට නිකුත් කරන ප්‍රමාණය. මාර්කට් එකෙන් 82%ක් දරන්නේ ලංකා ඛණිජ තෙල් නීතිගත සංස්ථාවෙන් “ යනුවෙන් අමාත්‍යවරයා පාර්ලිමේන්තුවේදී සඳහන් කළේය.
